Мајмунски путер

12:00 - 22 Јун 2015

Овој сладок „путер“ мора да го имате во фрижидер. Одличен за големи и мали, за во палачинки и за на лепче, а ние дури го сркавме од тегла затоа што има вкус на тропски коктел, а башка е хранлив!

 
  • 5 банани
  • 100 грама кокосово брашно
  • 1 конзерва ананас и сокот од конзервата
  • 100 грама кафеав шеќер
  • 1/2 цеден лимон
 

1. Ги сецкаме бананите на тркалца и ананасот на парчиња, па сите состојки се ставаат во подлабок сад.

2. Путерот се вари на тивко со повремено мешање додека не се добие густа смеса.

3. Додека смесата е врела се истура во чисти тегли (излегува смеса за 2 средни тегли).

4. Теглите се затвараат и се варат уште 10 минути. Вака приготвен мајмунскиот путер може да трае и до 1 година.