Оброк за жешките летни денови
Ладна супа од цвекло
Ако го сакате вкусот на цвеклото, тогаш веднаш ќе се вљубите во оваа супа. Не се плашете да подготвите и поголеми количини, бидејќи супата брзо ќе ја снема, а следниот ден има уште подобар шмек.
- 3 варени цвекла
- 1 краставица
- китка млади кромиди
- китка копар
- 4 ротквици
- 2 варени јајца
- 1л ајран
- 400мл кефир
- 1 мала шолја кисела водa
- оцет
Подготовка
1. Испасирајте го цвеклото и помешајте со додавање на неколку лажици оцет. Оставете ја смесата во фрижидер неколку часа.
2. Во меѓувреме, исецкајте мали парченца краставица, ротквици, кромидчиња и копар.
3. Измешајте ги зеленчуците со маринираното цвекло, а потоа додадете го ајранот, кефирот и киселата вода.
4. Се сервира со исецкани варени јајца и со парче полнозрнест леб.
Забелешки:
– Можете да користите и купечко маринирано цвекло, но она што е подготвено дома е секогаш подобра опција.
– Нема потреба да додавате сол, бидејќи ајранот е доволно солен.