Како што ќе видите во видеото подолу, најголемиот процент од васаби сос што се служи низ светот е всушност мешавина од рен, сенф и зелена боја за храна. Не дека двата корени немаат сличен вкус, иако не идентичен, но сепак не ја добивате вистинската работа. Васаби Јапоника е всушност растение кое се расте на територијата на Јапонија, а помалку и во Кина, Нов Зеланд, Тајван и Австралија.

Сепак производството ни одблизу не ја задоволува побарувачката, затоа што Васаби Јапоника си бара специфични услови. Ниту премногу светлина, ниту премалку светлина, свежа речна вода постојано, 13-18 степени целзиусови, дополнително нема никаква механизација во целиот процес. А да и откако ќе се приготви прилично брзо го губи вкусот.