Се си има што и зошто, и е многу важно а луѓето тоа кога често го забораваат.

Коректниот тајминг на јадење пред тренинг е исто толку важен како и самиот избор на храна. Секогаш треба да се внимава на времето кога се јаде нешто обилно и кога после тоа е ок да се вежба.
Доколку сте јаделе обилен ручек, три до четири часа после тоа не треба да имате било каква спортска активност бидејќи треба да се остави време храната да се преработи.

Доколку пак сте имале помал оброк доволни се два до три часа после јадење. Лесните закуски во главно не прават проблем доколку се јадат пред, па дури и за време на тренингот. Од кога ќе завршите со тренинг можете слободно да уживате во вашиот оброк, особено важен е периодот до 2 часа по вежбањето во кој гликогенските депоа најбргу се обновуваат доколку внесете доволна количина јагленохидрати.

Зошто овие тајминзи треба да се почитуваат?
Со тоа што ќе направите пауза после јадењето, според препорачаните часови погоре, можете да спречите појава на стомачни болки, грчеви па дури и дијареја. Јадењето на големи количини на храна исто така може да ве направат уморни и да се чуствувате тешко бидејќи крвта се концентрира околу дигестивниот систем и е во битка со мускулите кои ги вежбате затоа што и желудникот и мускулите се борат за енергија, кислород и се што е потребно за нивно правилно функционирање.

Препораки за тип на храна
Сложени јагленохидрати се перфектниот избор на храна за пред вежбање. Треба да одберете јагленохидрати кои доаѓаат од полнозрнести производи, тестенини и леб како и свеж зеленчук, а избегнувајте ги производите кои се богати со диетални влакна. Производите како легуминози може да ви предизвикаат појава на непријатни гасови, а овошјето кое е богато со диетални влакна и фруктоза може да ви предизвика дијареја после вежбањето.

Грешни мислења
Протеините и мастите во никој случај не се добар избор за пред тренинг. Тие се многу важен и составен дел од исхраната, но пред тренингот на нашето тело му се потребни јагленохидрати. Особено треба да избегнувате мрсни производи бидејќи за нивна преработка потребно е подолг временско период и можат да допринесат до стомачни болки за време на вежбањето.
Секогаш планирајте ги вашите оброци во однос на спортските активности и внимавајте на што внесувате,  сепак е различно одењето на целодневно скијање или еден час во фитнес сала.