ХУМАНИТАРЕН Веган Викенд – МЕНИ
12:00 - 28 Фев 2014
Минатиот викенд се одржа хуманитарниот настан „Со здрава храна за здрава Дана“, организиран како дружба со мојата банда блогери и пријатели – љубители на жива и веганска храна – и Здружението на граѓани „Родители и деца”. За повеќе информации кликнете тука.
Веселата дружина од Сурово & вкусно, Ајде да јадеме, Raw food Mk, Кети, Вале, Тања, Марија ППГ, Марија ЈВ и Здружението на граѓани РОДИТЕЛИ И ДЕЦА- РИД Скопје заедно со Дани!
Најпрво САКАМ ДА ВИ СЕ ЗАБЛАГОДАРАМ на сите вас прекрасни луѓе што дојдовте на овој хуманитарен настан и што придонесовте за неговата успешност!
Огромно задоволство ми претставува што масите ги направивте чистка за саат и пол и што убаво не растрчавте и ни зуевте околу нас со прашања и порачки! Ептен ме радува што барем некои од вас ми се претставија, но жал ми е што немавме повеќе време за дружење – се надевам ќе имаме и други прилики!
На овој настан собравме 39.650 денари, кои беа донирани за лекување на Даниела Наумова која боледува од рак на дојка.
Благодрност и до Every Day пица бар што ни го обезбедија просторот, Prime Light за убавата музика, и аниматорот за деца од Игротека Тиквичка!
Супер бевте, ви праќаме виртуелни гушки на сите до еден! 🙂
И како што ви ветивме, следува комплетното МЕНИ од сите јадења кои беа приготвени за овој настан! Рецептите ќе ги додаваме постепено во текот на наредниве денови – ве молиме за трпение! 🙂
СОЛЕНИ ЈАДЕЊА (за рецепти и фотографии кликнете на потцртаниот текст):
- Фалафел со семки (дехидриран)
- Крекери Тоскана (дехидрирани)
- Оризови бомбици (веган, варени)
- Ароматичен леб што не се меси (веган, печен0)
- Селско лепче што не се меси (веган, печен0)
- Варени гевречиња (веган, печени)
- Фалафел со спанаќ (веган, печен, рецепт наскоро)
СОЛЕНИ НАМАЗИ И САЛАТА (за рецепти и фотографии кликнете на потцртаниот текст):
- Гвакамоле (живо, рецепт наскоро)
- Сенф (жив, рецепт наскоро)
- Хумус (веган, варен)
- Зимска шарена салата
ДЕСЕРТИ (за рецепти и фотографии кликнете на потцртаниот текст):
- Тортички со чоко-банана фил (живи, рецепт наскоро)
- Браунис (живи)
- Тортички со морков и крем од лимон (живи, рецепт наскоро)
- Тортички со јаболко и цимет (живи)
- Медени срца (веган, печени, рецепт наскоро)
- Пралини со нутела (живи, рецепт наскоро)
- Бомбици со нутела (живи, рецепт наскоро)
- Сникерс (рецепт наскоро)
- Мафини (веган, печени, рецепт наскоро)
- Лепче со банана и тиква (веган, печено)
- Овошни колачиња (веган, рецепт наскоро)
- Колачиња со портокал и тиква (веган, рецепт наскоро)
- Парфе (живо)
- Банана со путер од кикирики и афион (жив)
БЛАГИ НАМАЗИ (за рецепти и фотографии кликнете на потцртаниот текст):
- Путер од кикирики (жив)
- Крем од урми и какао (жив, рецепт наскоро)
ПИЈАЛОЦИ:
- Зелено смуди (јаболки, круши, банани, урми, спанаќ, кељ и целер)
- Овошно смуди (јаболки, круши, банани, боровинки, микс од шумско овошје)
- Чоколаден шејк (млеко од овесни снегулки, урми, какао)
- Чај од ѓумбир ака ЃУМБИРКА (рецепт наскоро)
Благодарност до Маја Аргакијева за фотографиите. Целиот албум од настанот може да погледнете ТУКА.
Сите оние кои сакаат да учествуваат во акцијата, а не можеа да присуствуват на овој настан, можат да уплатат парични средства на
жиро сметката од Здружението Родители и деца- РИД, Скопје,
со назнака – за помош на Даниела Наумова.
Здружение за организирање хуманитарни настани РОДИТЕЛИ И ДЕЦА – РИД Скопје // Жиро сметка – 290100000188323 ТТК Банка //