Набилдајте го протеинскиот внес
Замена на јаглехидратниот оброк со квалитетен протеин како месо, риба, јатки или млечни производи може да помогне во намалување на оној „гумен обрач” околу половината. Според едно истражување на McMaster University од Канада, спроведено на 617 испитаници, зголемениот протеински внес за сметка на јаглехидратниот овозможил намалување на масното ткиво, но и целосно физичко подобрување.

Елиминирајте го шеќерот
Овој чекор полесно ќе го постигнете ако прво ги лоцирате скриените шеќери што значат екстра калории, а не сте ни свесни дека ги примате. Утринските мусли, овошните јогурти, спортските пијалоци и уште многу други (тагнати како здрави) може да кријат големо количество на шеќери. Затоа читајте етикети и избегнувајте дополнителен калориски внес.

Без липофобија
Диетата која вклучува мононезаситени масни киселини како маслинките, јатките, авокадото, па дури и онаа храна со заситени масти како млеко, сирење и путер има речиси исти ефект како и диетите кои не дозволуваат внес на масти. Разликата е дека хранатакоја содржи масти е повкусна, па ќе можете и гурмански да уживате (секако без претерување) и да имате тенок струк.

Справете се со подуеноста
Без разлика колку масно ткиво ќе стопите и колку ќе ги обликувате мускулите ако сте подуени, нема да изгледате, ниту ќе се чувствувате добро. Газираните пијалоци ви се непријател број еден! Исто така и голема количина на сол доведува до задршка на вода и подуеност.