Со помош на протечна вода од чешма може да измиете добар дел од пестицидите кои се наоѓаат на површината на зеленчукот и овошјето, но останува оној мал процент кој што се апсорбирал преку коренот во ткивото.

Најефикасно е ако ја пуштите водата да тече, а зеленчукот и овошјето ги сместите во сад со дупки од каде водата ќе истекува, а не само да ги потопите во вода. Ова треба да трае барем 60 секунди и не се препорачуваат никакви дополнителни средства или детергенти!! Потопете ги брокулата, листестите зеленчуци и карфиолот во вода со малку оцет, а потоа дополнително измијте ги под млаз вода.

Дополнително може да превземете уште неколку мерки. Користете четка за зеленчукот и овошјето со цврста кора како портокалите и лимоните. Бришењето со хартиено марамче за една употреба дополнително ќе отстрани дел од бактериите. Лупењето на зеленчукот и овошјето помага за дополнително да се ослободите од уште еден процент на резидуални пестициди.

Секогаш имајте на ум дека најчесто и најагресивно се прскани јаболката, доматите, праските, краставиците, зелената салата, грозјето, па кога ќе купувате од овие барајте од органско потекло и од проверени продавачи кои гарантираат никаква или минимална изложеност на пестициди.

Повеќе за најмногу и најмалку прсканите овошја и зеленчуци ТУКА