По менопаузата женското тело екстремно ја намалува продукцијата на естрогени хормони, кои дотогаш штитат од срцев удар и други кардио васкуларни заболувања, а освен тоа во овој период жената станува поподложна и на други хронични заболувања како дијабетес, остеопороза, рак на дојка и висок крвен притисок. Овие неколку нутрициенси би можеле да помогнат и да го намалат ризикот од хронични заболувања доколку ги консумирате редовно.

1. Витамин Д

Без доволно витамин Д кој е клучен за апсорпција на калциум коските може изгубат од својата густина и да се развие остеопороза, многу честа појава во овој перод од женските години. Постојат неколку начини да се внесе витамин Д: преку исхраната, синтеза преку кожата и со суплементи. Со текот на времето и со стареењето кожата се` помалку продуцира, а и овој процес е зависен од сонце, па затоа исхраната останува сигурен начин да се надокнади витаминот Д. Млекото, јогуртот, младото сирење, темно зелените зеленчуци се добар старт за повеќе Д витамин.

2. Калциум

За здрави коски дури и по хормонските промени што се случуваат за време на менопаузата, неопходно е да внесувата калциум, секако заедно со витамин Д. Освен во млечните производи калциумот го има и зелените листести зеленчуци како спанаќ, зелје, ќељ и слично, а можете да го надокнадите и преку суплементација.

3. Омега 3 масни киселини

Консумирање на поголема количина масна риба се поврзува со намалување на ризикот од срцев удар кај женската популација. Омега 3 масните киселини се всушност полинезаситени и спречуваат наталожување на плак во крвните садови и нивна оклузија.

За да внесете омега 3 се препорачува масна риба како лососот, но исто и од оревите, семето од лен, канола масло. Како извор на полинезаситени масни киселини се препорачува и маслиновото масло кое исто така се покажува ефективно во намалување на ризикот од кардиоваскуларни заболувања.

4. Витамин Б12

Според една скорешна студија жените во постменопауза се во дефициент на повеќе нутрициенси вклучувајки и го и витаминот Б12. При недостаток на овој витамин доаѓа до појава на анемија и затоа е многу важно да се внесува во поголеми количини. Препорачаните дневни дози за овој витамин се 2.4 микрограми дневно, а во најголема количина го има во жолчката од јајце, црниот дроб, месо, риба и кисела зелка.

5. Фолна киселина

Или уште позната како витамин Б9 најчесто се препорачува за време на бременост, но сепак фолната киселина е кардиопротективна супстанца, а според испитувањата го намалува и ризиок од појава на висок крвен притисок. Дневната препорачана доза е 400 микрограми, а цитрусните овошја и темно зелените листести растенија изобилуваат со овој нутрициенс.