Негативните ефекти од загорената и прегорената храна и можните канцерогени супстанците кои формираат со преголема и претерана термичка обработка врз здравјето на човекот се мета на истражување уште од пред повеќе години, а овој месец Британската Агенција за Храна активираше една нова кампања која потсетува и делува едукативно за оваа проблематика. 

Намирниците кои се богати со скроб како компирот, лебот и оризот при нивната термичка обработка на повисока темерпатура и подолг период (прмер со печење, пржење, тостирање итн.) продуцираат извесна доза на супстанца наречена акриламид која што ја дава онаа прекрасна златно жолта боја, карамелизиран вкус и мирис. Но, од другата страна стои научниот концензус дека акриламидот е потенцијален канцероген кај човекот. 

Иако ефектите на оваа супстанца не се докажани директно кај човекот, студии вршени на глодари даваат резултати дека постои поврзаност помеѓу внесувањето на акриламид и појавата на канцер што го ставаат во категоријата на „можни канцерогени” супстанци. Иако за целосно докажување на позитивната врска помеѓу акриламидот и канцерот кај човекот се потребни дополнителни студии, докторите и научниците велат дека нема да имаме никаква штета доколку истиот го избегнуваме.

СИГУРНО ЌЕ ВЕ ИНТЕРЕСИРА – 1 НА 1 СО ПРЖЕНИЦИТЕ  

Супстанцата всушност се формира кога едноставните шеќери од намирниците (како глукозата) реагираат со некои амино-киселини на температура повисока од 120 Целзиусови степени. Важно е да се напомене дека количеството на акриламид се зголемува како намирниците загоруваат повеќе. Затоа, новите кампањи ги советуваат граѓаните да ги готват, пржат, печат и тостираат овие работи до заруменета боја, избегнувајќи ги потемните фази на готвење – всушност и името на кампањата гласи “Go for Gold” – во превод „Цели кон златната нијанса” (она што куварите кај нас го викаат – заруменето). 

Некои од едноставните мерки за намалување на внесувањето на оваа компонента се едноставното избегнување на длабоко пржените компири и готвење на оваа храна до жолтеникава и златно жолта боја како и избегнување на претерано загорување на храната до потемните нијанси (без разлика на методот на обработка).

Тостираните, пак, лепчиња целете да имаат „лесна” кафена нијанса наместо црна и изгорена затоа што наодите покажуваат дека акриламидот е повеќе присутен во црните делови од тостот. 

Како за крај, внесувањето на разноврсна исхрана богата со зеленчук, овошје и диетални влакна, намалувањето на месото и процесираните производи и внесувањето на здрави масти секогаш ќе допринесе за еден целокупна поздрава основа во вашиот организам.