Победници на ЕХО – Фестивал на планински филм 2017
На последниот фестивалски ден (петок – 27.10.2017 година) во киното Фросина беа прогласени победниците во неколкуте различни категории на конкурси во склоп на ЕХО – Фестивалот на планински филм 2017.
И оваа година фестивалот имаше отворено два конкурси за најдобра фотографија и кратко видео, а покрај овие беа доделени и признанија за најдобар краткометражен и долгометражен филм од официјалната програма на фестивалот.
Трочленото жири составено од Дарко Андоновски, Алесио Ликуори и Димитар Петровски ги избраа следните три најдобри фотографии од вкупно 10-те финалисти.
1 место – Karadzica Peaks Автор: Доријан Миловановиќ
2 место – At 6AM/Во 6 часот наутро Автор: Елена Маркова
3 место – Into the darkness Автор: Марјан Темовски
Трочленото жири кое работеше на филмскиот сегмент од фестивалот составено од Ендру Гудспид, Професор Др. Ферид Мухиќ и Влатко Галевски, пак, имаше задача да ги одбере најдоброто кратко видео од конкурсот, како и најдобрите краткометражни и долгометражни филмови.
Најдобро кратко видео – „Очи” – Александар Панајотов
За најдобро видео беше одбрана инспиративната и длабоко емиционална приказна која се обработува во видеото насловено како „Очи” на Александар Панајотов (читајте повеќе тука), а специјална одлика доби видеото HIKE & FLY на Горан Кузмановски.
Специјална одлика – HIKE & FLY Горан Кузмановски
За најдобар краткометражен филм беше избран фантастичниот Being Hear на Палмер Морс, а Гранд При наградата за најдобар долгометражен филм ја доби Одметник – Легендата за Фред Беки на режисерот Дејв О’Леск. Специјална одлика доби филмот Во Гора на Енди Колет со кој и беше затворено ова издание на ЕХО.