Велосипедите со ваков систем на педала ја имаат стекнато популарноста уште во 80-те години и од тогаш компаниите кои произведуваат компоненти за велосипеди се трудат да ги направат педалите што е можно полесни и поедноставни. Во ноември 2012 година, нови педали со поинаков дизајн и практичност ќе излезат на пазарот, а ги произведува американската компанија Ultralite Sports.

Педалите се лесни, со нов систем за закопчување и тежат 112 грама, а во просек се за 100 грама полесни во споредба со другите педали. Компанијата веќе има произведено два модели од овој вид педали, Cirrus Ti- направени од титаниум и Nimbus St направени од железо кои се и малку потешки. Педалите ќе се продаваат по цена од 450, односно 315 американски долари.