Можеби најдоброто решение за проблемот „потешкотии со возење велосипед во снежни услови“ доаѓа од Цезар ван Ронген, нормално Холанѓанец кој го има измислено системот „Ланци за велосипед“ (Bike Spikes) – во буквален превод „шилци“ за велосипед.

Иако производот е се` уште во прототип верзија и чека некоја ентузијастички расположена фирма или поединец да му помогне ова парче опрема да почне масовно да се произведува тоа изгледа многу едноставно и пред се` ефикасно за намената за која е измислено.

Изработено е од шест флексибилни парчиња во облик на дел од тркалото меѓусебно споени со жица и истите многу лесно се местат и затегнуваат на тркалото. Парчињата на себе имаат мали крампони кои делуваат многу ефикасно кога велосипедот е на мраз или снег.