Екстремно ниските температури кои ги зафатија северните и североисточните делови од САД и Канада овој викенд се должат на „поларниот вортекс“. Метеоролозите известуваат дека овој феномен е всушност екстремно студен воздух кој доаѓа од северниот пол и предизвика сериозен пад во температурите и временските услови кои може да станат и најекстремните досега во историјата на САД.

Снежната бура донесе навеви од 60 цм. снег во Канада и североисточните делови на САД а температурите во Торонто паднаа на -29 целзиусови и во Квебек -38 целзиусови степени. Метеоролозите велат дека со факторот „ветер“ (wind chill) овие температури се симнуваат и далеку под овие бројки во границите на -50 целзиусови степени.

Делови од државата се во вонредна состојба, а се прогнозира дека најстудениот бран се` уште не пристигнал.