Оваа година, настанот дебитираше со наголем број на качувачи досега, старита качувачка фела, нови и поискусни рекреативци како и новата ‘единица’ на супер-дечиња, кои приредија динамична и возбудлива болдер битка при што секако секој од качувачите качуваше маскиран во своја пред новогодишна тема.

Натрпреварот имаше три категории, деца м/ж, рекреативци м/ж и натпрварувачи м/ж, од кои категоријата ‘натпреварувачи’ воедно и беше последното државно првенство за 2015 од натпреварувачката лига на МСКФ. За секоја од категориите беа предвидени наоски со тежина во зависност на категоријата, односно вкупно 21 болдер проблем со целиот спектар на тежини до 7b+.

По натпреварот следеше коктел и прогласување каде што беа прогласени победниците од PLASTICMAN 3, како и најдобрите Македонски качувачи за 2015 во машка и женска
категорија во дисциплините ‘Тежинско’ (Качување со јаже) и ‘Болдер’ според ранг листата на 8a.nu.

Ранглистата на 8a.nu се уредува со личен кориснички профил кој се креира на www.8a.nu веб страната, каде што секој качувач ги внесува своите искачувања, а
на официјалната страна на МСКФ е изложена ранг листата каде шо го прикажува моменталниот резултат и рангирање на секој македонски качувач кој води евиденција.
Имено 8a.nu е светски качувачки портал, кој го користат речиси 90% од качувачката заедница, и важи за онлајн ‘институција’за многу качувачи.

И оваа година како и долги години наназад, ВЕРТИКАЛ СПОРТ – МАКЕДОНИЈА ги обезбеди наградите од програмата на врвниот производител на качувачка опрема
PETZL за Најдобрите Македонски Качувачи на 2015 во Болдер и Тежинско како стимул да ги бранат своите успеси и во новата 2016 година

Благодарност и до еMINIMAL TATTOO STUDIO и болдер вежбалната БолдерЧе, кои што ги обезбеја новогодишни изненадувања за победниците на PLASTICMAN 3.

Благодариме на сите кои што учествуваа и беа дел од овој натпревар, случување и предновогодишна качувачка забава. Се гледаме догодина!

Среќна Нова 2016 Година и ви посакуваме многу здравје, среќа и многу качувачки триумфи во 2016.

Галеријата можете да ја разгледате тука.

Погледнете ги и предходните Пластикмен 1 и Пластикмен 2.

РЕЗУЛТАТИ