Фрушка Гора 2017 – одлично претставување на нашите планински тркачи
Изминатиот викенд во националниот парк „Фрушка Гора” се одржа традиционалното 40-то издание на Фрушкогорскиот планински ултрамаратон, еден од најстарите во регионот. Македонија ја претставија повеќемина тркачи на различни дистнци, а голем број од нив и направија одлични резултати и подиуми.
Фрушкогорскиот планински ултрамаратон е еден од најстарите и најмасовните планинарски настани на балканот. Истиот редовно се одржува од 1978 година и се до 90-те години на минатиот век манифестацијата носела назив „25-мај”, а најдолгата дистанца секоја година растела за еден километар во чест на годините на Јосип Броз Тито.
Денес манифестацијата се уште е во организација на ПСД Железничар од Нови Сад, а маратонот го има задржано автентичниот дух од тогашните времиња. Учесниците имаат можност да одберат еден од осумте маратони со различни дистанци и да уживаат во питомата природа на фрушкогорските шуми, манастири и излетнички места.
Од Македонија на ова 40-то издание се приклучи поголема екипа од 25 тркачи кои настапуваа на повеќе дистанци. Нашите претставници успеаја да се прикажат во одлично светло и да освојат 4 први, 2 втори, 3 трети.
Првопласирани беа:
Александар Симјаноски – Ултрамаратон 107км
Мартина Милева – Велики Источни 81км
Игор Јовановски – Велики Источни 81км
Тања Пенева Здравева – Средни Источни 59км
Второпласирани беа:
Катерина Николовска – Велики Источни 81км
Сања Најдовска – Средни Јужни 49км
Третопласирани беа:
Александра Ѓорѓиевска – Велики Источни 81км
Светлана Стојановска Ивановска – Ултрамаратон 107км
Љубиша Андреиќ – Ултрамаратон 107км
Сите резултати може да се погледнат на следниот линк