Осмиот традиционален летен камп во организација на Фудбалските Школи Кул и Кул Здравје оваа година се одржа во Неи Пори, Грција. Времетраењето на кампот беше 7 дена, со присуство на млади спортисти од 6 до 14 годишна возраст. Кампот го водеа четворица лиценцирани тренери, а за време на целиот камп децата беа згрижени со 24 часовна медицинска грижа. Тренинзите се изведуваа на фудбалскиот терен со природна трева во Неи Пори и на песочните плажи кои беа опремени со фудбалск риквизити. Покрај тренинзите децата имаа и слободни активноти: игри во вода, пливање, пешачење по плажа и спортски активности на песок (фудбал и одбојка).

Летниот камп овозможи меѓусебно дружење, игра и размена на искуства меѓу членовите. Сумираните впечатоци доведуваат до заклучок дека летниот камп се одвиваше и заврши во најдобар ред.