Академијата Форца Волеј со успешен настап во Полска
12:00 - 05 Јун 2013
Одличен резултат постигна подмладок на Форца Волеј на силниот меѓународен турнир во Јасло, Полска. Во конкуренција на 12 екипи, комбинираниот состав од на Академијата го освои петтото место, а многу малку недостасуваше да се бори за едно од првите три места.
Во три натпреварувачки денови, Форца издвојува 6 победи и два порази. Одличниот настап на мешаниот состав од пионерки и кадетки покажа дека рамноправно може да се носи со своите интернационални ривали и важеше за најголемо изненадување на турнирот.
Од вкупно 12 екипи натпреварувачки Форца Волеј издвојуваше петто место на финалната табела.
Ден 1 прва група
– Форца Скопје-Стропков Словачка 2-0(25-12,25-17)
– Форца Скопје-Морис Јасло Полска 2-0(25-11,25-16)
– Форца Скопје- Украина 2-0 (службена, екипата касно пристигна)
Ден 2, полуфинална група
– Форца Скопје-Спарта Самбор Украина 2-0(25-14,25-19)
– Форца Скопје-Елба Прешов Словачка 2-0(25-19,25-17)
– Форца Скопје-Олимп Прага Чешка 1-2(19-25,25-22,12-15)
Ден три, група од 4 до 6 место
– Форца Скопје-Екстрим Горица Словачка 2-0(25-19,25-20)
– Форца Скопје-Дебрецен Унгарија 0-2(18-25,19-25)
Турнирот го освои екипата Сату Маре од Романија.