7-те врвови во еден час емоција и страст за планината и животот
12:00 - 25 Дек 2013
Вчера на 24.12.2013 во музејот на Mакедонската Борба во Скопје се одржа интересен настан. Презентацијата насловена како ИНТРОСПЕКТИВА НА 7-ТЕ СВЕТСКИ ВРВОВИ од Д-р. Сашко Кедев во организација на Агенцијата за млади и спорт беше проследена од бројна публика и со воодушевување од преполната сала.
Д-р Сашко Кедев ги презентираше своите искачувања на највисоките врвови на сите 7 континенти и со голема страст објаснуваше за сите пријатности и непријатности кој биле дел од неговите авантури. Покрај планините со голем жар раскажуваше за неговата работа како интервентен кардиохирург низ светот и со многу чувство и филозофија ја доближуваше секоја фотографија до публиката.
Ова се врвовите највисоките врвови на сите седум континенти кој Д-р Сашко Кедев ги има искачено.
- Аконкагва 6962 м.н.е – Јужна Америка
- Мекинли 6195 м.н.е – Северна Америка
- Килиманџаро 5895 м.н.е – Африка
- Еверест 8850 м.н.е – Азија
- Елбрус 5642 м.н.е – Европа
- Картенс Пирамид 4884м.н.е – Австралоазија
- Винсон 4898 м.н.е – Антартик