Инфо

Драги планинари/рки,

На 1-ви Ноември 2015 година, недела, Планинарско Друштво „Куманово” ја организира својата традиционална планинарска акција „Пирамида и Три Манастира”.
Целта на акцијата е промовирање на овој дел од Кумановскиот крај што гравитира према Свети Николе, а посебно „Пирамидата”, според некои и вистинска пирамида, слична на Босанските пирамиди кај Високо.

Патеката почнува од селото Градиште, манастирот „Св.Ѓорѓи”, со висинска точка од 800 метри и се движи по шума до манастирот „Св.Петка” во селото Габреш, каде се прави пауза од половина час.Од тука патеката се качува до блокот Островица и на врвот на пирамидата, со висинска точка од 600 метри.
Од Пирамидата се спушта и се оди низ село Колицко до селото Скачковце, до манастирот „Св.Троица”.

Патеката е долга 18 километри, средно тешка, но поради должината бара добра физичка подготвеност.
Времето потребно за поминување на патеката е 5-6 часа. Исто така, на стазата ќе има и водичи од клубот, и секој сам си одговара за своите постапки.
Место на собирање на учесниците е паркингот пред кафеаната „Жмара”.
Време на поаѓање на автобусите за село Градиште е во 7.00 часот.
Организаторот ќе се потруди да обезбеди бесплатен превоз до и од село Градиште, за што учесниците ќе бидат благовремено известени.
Организаторот обезбедува и ручек – традиционалното планинарско гравче, кое ќе се дава во манастирот „Св.Троица”.Секој учесник треба да носи прибор за јадење.

Организаторот го задржува правото за промени.

За сите што доаѓаат со сопствен превоз – од Куманово до с. Градиште (почетна точна) има 18.5 км, а од Куманово до с. Скачковце (завршна точка) има 14 км.

Краен рок за пријавување е 30-ти Октомври 2015, на телефоните:
077 572 098 – Стојанче Стефановски
077 884 975 – Бобан Нортмен, или во инбокс на профилот на друштвото.
Информации и детали за акцијата на горенаведените броеви.

Напомена:

Секој учесник е должен да ги почитува правата и насоките на организаторот или водичите, во спротивно сам е одговорен за своите постапки. Организаторот или водичите имаат право да исклучат учесник поради своите постапки или пак постапките кои се косат со правилата на организаторот или водичите, планинарските правила и планинарската етика, или пак поради недолично однесување.

Исто така, организаторот го задржуваат правото за измена на датумот за акцијата поради несоодветни временски услови или други причини.

Планинарски поздрав,
П.Д. „Куманово”