Инфо

Почитувани љубители на природата и спортот

24 Мај 2017 е прогласен за World Orienteering Day или Светски ден на Ориентацијата од страна на Меѓународната Ориентациона Федерација – IOF. Целта на Меѓународната Ориентациона Федерација и на Ориентационите клубови од цел свет е организирање на годишен ориентационен настан преку кој ќе се промовира ориентациониот спорт, ќе се зголеми видливоста и пристапноста на овој интересен спорт и на еден начин ќе се изврши едукација на сите ново заинтересирани со акцент на младите луѓе. Ориентацијата е спорт во кој годините не претставуваат граница.

Ориентациониот клуб Трансверзалец од Скопје ќе се приклучи на меѓународната иницијатива и ќе одржи Отворен натпревар во Спортска ориентација на локација Градски парк Скопје на 24 Мај 2017 год.

Ориентирањето е Спорт во кој натпреварувачите со помош на компас и карта треба да посетат одреден број контролни точки кои се означени на теренот со црвено бели знаменца, во најбрз можен рок.

Ни претставува задоволство да Ве поканиме да присуствувате на овој настан како би се запознале со Ориентација в природа. На овој настан учество ќе земат деца од предшколска и школска возраст како и возрасни. Настанот е во форма на натпревар во ориентација и е отворен за сите заинтересирани без разлика на возраста. Организаторот предвидува лесни патеки за почетници и нови учесници. На патеките и контролните точки ќе бидат поставени и изненадувања. За натпреварувачите во ориентација ќе бидат поставени посложени патеки.

ОТВОРЕН НАТПРЕВАР ВО СПОРТСКА ОРИЕНТАЦИЈА ВО ГРАДСКИ ПАРК СКОПЈЕ

Програма

Дата: 24 Мај 2017 (Среда – неработен ден празник Св. Кирил и Методиј)

Тип на натпреварот: Ориентација во природа – Спринт ориентација

Старт: 10.00 ч, пред бина Школка во Градски Парк Скопје
Тек: ориентационен натпревар за популаризација на спортот со право на учество на сите заинтересирани со возраст над 7 години

Карта: 1: 4 000, е-2м, состојба мај 2017 година

Терен: Асфалтни патеки, езера, тревни површини, ниска вегетација

Поставувачи на патеки: -Душко Бошковски – МОФ

– Иво Бошковски – помошник поставувач
-Мирко Даневски – помошник поставувач
Контролор: -Зоран Костадинов – МОФ

Категории:
Опен категорија – категорија за рекреативци наменета за едукација и деца со родители.

Жени: Д10, Д12, Д14, Д16, Д18, Д20, Д21, Д35, Д45, Д55

Мажи: М10, М12, М14, М16, М18, М20, М21, М35, М45, М55

Екипно(три натпреварувачи)

Симболична стартнина: 60,00 денари

Пријавување: до Понеделник 22 Мај 2017 год. на Е-маил [email protected]

Информации и пријавување на:
070 317 740 Душко Бошковски
070 641 998 Зоран Костадинов

Ве охрабруваме да не контактирате на назначените телефонски броеви и да извршите задолжителна пријава за учество најкасно до наведениот термин Понеделник 22 Мај 2017 год со цел навремено изработување на Карти за теренот и Логистика за настанот.

FB меѓународен настан: https://www.facebook.com/Worldorienteeringday/