Инфо

Второ организирано искачување на Солунска Глава 2540 од Планинарското Друштво Чеплес по повод деветти ноември.

По тој повод ги повикуваме сите наши членови и пријатели, заинтересирани за овој настан да се приклучат кон оваа наша дружба. Настанот започнува на 07.11.2015 со пристигнување на учесниците во Планинарскиот Дом Чеплес. По сместување на учесниците , во вечерните часеви ќе се оддржи мала седенка до 23.30 за во утринскитечасеви на 08.11.2015 односно во 06.00 да започне маршот и искачувањето на Солунска Глава.

По искачувањето и враќање во Планинарскиот Дом од организаторот има обезбедено ручек (планинарско гравче) а потоа ќе се доделат благодарници на планинарските друштва за учеството во акцијата.

Сите заинтересирани учесници и планинарски друштва да се јават на тел 075 216 099 Тоше ,за потврда и резервација за ноќевање. Ноќевањето за сите учесници е 150 ден во стариот дел и 300 ден во новиот дел. Поради ограничениот број на легла се замолуваат заинтересираните навремено да се пријават а потоа и да се појават.

Потребна опрема за планинарење во зимски услови и кабаница. Секој учесник е должен да ги почитува правилата на организаторот и водичот, во спротивно сам е одговорен за несаканите последици.. Наведената акција е организирана и движењето ќе се одвива во колона предводена од водичот. Организаторот и водичот имаат право да исклучат учесник пред стартот на акцијата, се разбира доколку не ги исполнува наведените услови и не поседува адекватна опрема предвидена за акцијата.

Организаторот и водичот го задржуваат правото за измена на терминот и рутата на наведената акција , во зависност од временските услови и останати технички препреки.