Инфо

Во рамките на проектот ” Жени лидери во спортската индустрија” кој е поддржан од Француска амбасада во Р. Македонија, Здружението за унапредување на меѓусебна доверба ТАКТ, ќе реализира серија на работилници на тема претприемништво и раководење со граѓански спортски организации.

Првата работилница ќе биде на тема:
Mожности за развој на спортски идеи и активности преку невалдиниот сектор.
Работилницата ќе претстави информации за тоа како да се развие акциски план и ќе претстави можности за финансирање на акциските планови за спорт и има за цел да ги прошири видиците за можностите што спортот ги нуди во однос на реализирање на идеи и креирање на позитивни општествени промени во заедницата.
Работилницата ќе ја води Магдалена Спасовска, долгогодишен проектен координатор и советник за организациски развој и стратегии за финансирање.

Учеството е бесплатно.
Ве молиме да го потврдите вашето присуство на: [email protected]